 |
| صدور دجاج بحشوة الفريكة |
صدور دجاج بحشوة الفريكة | الشيف لينا عرار
المكونات
⬅كاستين فريكة منقوعين
⬅قرفة وجوزة الطيب ورشة فلفل اسود
⬅زيت زيتون
⬅بصلة مفرومة
طريقة تحضير الفريكة
بطنجرة بنحط زيت زيتون وبصلة مفرومة لتذبل بنحط قرفة وجوزة الطيب ورشة فلفل اسود وبعدها بنزل كاستين فريكة منقوعين (او حسب الرغبة) ومغسولين لمدة نص ساعة وبنحط رشة ملح حسب الذوق
- بنغمرهم بالماي او مرقة الدجاج (كوبين) او اكثر حسب نوع الفريكة وبنتركهم ليستوا.
 |
| صدور دجاج بحشوة الفريكة |
صدور الدجاج
- بنحتاج صدور دجاج بنقسمها من الوسط لقسمين بالطول وبنحط فوقها نايلون او ورق زبدة وبندقهم ليصيروا رفاع بنحطهم بوعاء غميق وبنتبلهم بزيت الزيتون وعصير الليمون وصلصة ورشستر (او شوية دبس رمان) مع الملح والفلفل الاسود والبهار المشكل وجوزة الطيب بنتركهم نصف ساعة بالتتبيلة.
- بنفرد نايلون وبنحط عليه صدر الدجاج وبنحط الحشوة وبنلف صدر الدجاج باستخدام النايلون وبنشدوا بالاخر وبنحطوا عصينية فرن غير لاصقة
- بندهن وجه الصدور بخليط (اللبن ورب البندورة وعصير الليمون) وبنحط رشة سمسم اختياري وبنغطي الصينية بالقصدير
- بندخلها الفرن عحرارة ١٨٠ بتوخذ تقريبا ٤٠ دقيقة اكثر او اقل حسب الكمية
بالعافية
الشيف لينا عرار
0 comments :
إرسال تعليق