 |
| فخارة صدور الدجاج المدخنة |
فخارة صدور الدجاج المدخنة | الشيف رؤى بنات
المكونات
⬅4 صدور دجاج مدقوقين التتبيلة :
(معلقة كبيرة فلفل أسود ؛معلقة كبيرة اوريغانو ،معلقة كبيرة بابريكا حارة ؛معلقة كبيرة بهارات الدجاج ،ربع كوب زيت زيتون ؛ 4 معالق كبار خل أبيض ؛ 4 معالق كبار عصير ليمون)
⬅بطاطا مقلية
⬅٤سن توم مهروس
 |
| فخارة صدور الدجاج المدخنة |
طريقة التحضير
- بتبل الدجاج وبتركهم ع للاقل ساعتين وبالتلاجة لوقت الطبخ، بدهن الجريل اللي ع النار بالزيت بالفرشاية لحد ما تسخن وبحط قطع الدجاج وهي عالية النار شوي وبرجع بوطيها وبقلبهم على الجهتين ليستوا بياخدو تقريبا 7_ 9 دقايق حسب حرارة الغاز بنفس المقلاة
- بضيف عليهم بصل شرائح ومشروم وفليفلة وبتركهم ياخدو من نكهة الدجاج وبعدها بدخنهم بفحمة
- بالفخارة بسكب كمية البصل والفليفلة والمشروم والدجاج والبطاطا المقلية والثوم المهروس بوزعه
- بنفس المقلاة على النار بسكب كوبين مرق الدجاج وبخليهم يغلوا لياخدوا نكهة الدجاج وبكون مدوبة ملعقة كبيرة ونص نشا مدوبين بمي باردة وبسكبهم فوق الصوص
- لما تتسبك بضيف عصير ليمون حسب الرغبة وبرفعها عن النار ،وبسكبها على الفخارات وبسكر الفخارة بفصدير او عجينة مصنوعة من (طحين تقريبا كوب ومي دافية حسب حاجة الطحين ورشة ملح وزيت نباتي ملعقتين كبار بنعجنها لتصير طرية وبنتركها ترتاح نص ساعه) وبنمدها فوق الفخارة وبندهن وجه الفخارة بالفرشاة بمي وسمسم
- وبنخبزها بالفرن لمدة لاتقل عن نصف ساعه بالرف الوسط على درجة حرارة ٢٢٠او ٢٤٠حسب حرارة الفرن وتتحمر
صحتين
الشيف رؤى بنات
0 comments :
إرسال تعليق