إستمتعى بالطهى
من خلال تصفح وصفاتنا اللذيذة
الرئيسية » , » معمول سميد | الشيف تهاني التميمي

معمول سميد | الشيف تهاني التميمي

كُتب بواسطة وصفاتكم فى الثلاثاء، 16 أكتوبر 2018

اسهل طرق المعمول
معمول سميد 



حشوة المعمول
معمول سميد 


معمول سميد | الشيف تهاني التميمي

المكونات

⬅كيلو سميد ناعم 

⬅كوب طحين ابيض 

⬅نص كيلو زبده غير مملحه ( ٥ اصابع زبده)

⬅٣ معالق حليب بودره

⬅٣ معالق سكر مطحون 

⬅نص معلقه صغيرة محلب او دقة كعك 

⬅نص معلقه صغيره خميره


طريقة التحضير

• اول خطوة ( خطوة البس ) 

- كيلو سميد ناعم  وكوب طحين ابيض و نص كيلو زبده غير مملحه (انا استخدمت زبده المراعي و بامكانكم تستخدموا اي نوع مفضل عندكم )  بنبسهم مع بعض كتير منيح و بنغطيهم 


- بنتركهم ليله كامله او يوم كامل ما في مشكله، بنغطيهم و بنتركهم بره التلاجه 


معمول العيد
معمول سميد 

• الخطوة التانيه العجن 



- بنضيف للعجينه السابقه ٣ معالق حليب بودره، ٣ معالق سكر مطحون ، نص معلقه صغيرة محلب او دقة كعك ، نص معلقه صغيره خميره ، و بنحتاج تقريباً كوب الا ربع مي

-  بنضيف المي بالتدريج و بنعجن لحتى تتكون عندي عجينه طريه و ناعمه و ما بتلزق بالايد 

- بنريح العجينه ربع ساعه و بنبلش شغل . 

ملاحظه  
 اللي بتحب نكهة ماء الورد ممكن تعجن بماء الورد بدل المي او انه تستبدل متلا ربع كوب مي بربع كوب ماء ورد و تكمل الباقي مي عادي بصير.
 العجينه لازم تضل مغطيه طول فترة الشغل عشاان ما تنشف .


 الحشوات

مكونات حشوة التمر 

⬅نص كيلو تمر معجون 


⬅نص اصبع زبده غير مملحه 


⬅نص كوب جوز خشن


⬅قرفه 

 طريقة التحضير


- بنعجن المكونات مع بعض وبتكون الحشوة جاهزه.


معمول بالتمر
حشوة التمر


مكونات حشوة الفستق 

⬅نص كيلو فستق مطحوون خشن  

⬅تقريبا نص كوب قطر

⬅معلقه كبيره ماء ورد

⬅معلقه صغيره ماء زهر

ممكن بدل القطر نستخدم عسل حسب الزوق

معمول بالفستق الحلبي
حشوات معمول السميد 


معمول بالتمر
معمول سميد 

الخبز

- بنخبز على حراره متوسطه الى عالية تقريباً حرارة١٩٠ 

- الفرن لازم يكون حامي قبل وضع المعمول ، بنكون مشغلين الفرن من تحت بس ليصير القاع اشقر ، ما بياخدوا وقت كتير اقل من ٣ دقايق

- بعدين بنحمر الوجه اشي بسيط بس يصير اشقر فاتح و بنطلع المعمول من الفرن 

طريقة المعمول
معمول سميد 
طريقة معمول سميد
معمول سميد 


 صحتين
مشاركة

وصفاتكم | أشهر الوصفات العربية

0 comments :

إرسال تعليق